Why choose to study in Canada?

對於香港人黎講揀出國留學大多數都係選擇美國、英國、加拿大、澳洲、新西蘭等國家，咁係依幾個國家中點解會有人選擇去加拿大留學呢？加拿大有幾個地方對比係其他國家留學更加有好處。

首先，加拿大對比係其他國家留學花費比較少。用學費嚟做個例子，加拿大其中一點比較特別既地方係基本大部分既大學都係公立，所以學費相對比係其他國家既學費係平既。而且有部分既加拿大大學會有同當地既交通系統合作，學生只要交一筆費用就可以免費坐當地既交通工具。所以加拿大留學所用既費用對比其他國家留學係比較少既。

其次，只要係加拿大留學就一定會有留學簽證，當大學生有留學簽證就可以打工但每個星期上限係20個鐘而放假時學生就可以全職打工而每星期唔超過40個鐘。打工一嚟可以獲得經驗同更快習慣當地既生活，二嚟可以節省留學既花費。雖然係美國留學既學生都可以打工，但只限於係學校內打工，而如果學生要係校外打工就要事先申請。所以加拿大留學生既打工選擇比起美國留學生既打工選擇更加多。

最後，留學生係加拿大大學畢業後可以選擇繼續讀研究生、返香港工作或留係加拿大工作。係加拿大留學生畢業可以申請工作簽證，最高可以申請到三年既工作簽證。加上如果畢業後繼續係留係加拿大工作幾年就可以增加移民機會，所以對比係其他國家留學，會有人將留學首選選擇加拿大。







By Natalie